Nder kuude jahargal yeeso taskaram hakkilanta hedi shaanu ndemri haa Nigeriya (NRDS II), wi Lesdi Naajeeriya taskani besdaari nokkuuje ndemri iga yaajirka hectaaji ko hewtanta Milionre yaaki 2.7 millionji hectaaji.
Ministaajo mo hakkilanta shaanu ndemri enanta kuude Jahargal yeeso mo Jiha, Mustapha Shehuri, kanyumm on suuditi haalakan wakkati O omta taskaram ndemri NRDS II haa Abuja.
Taskaram ka dum taskaram on jee hewtanta Duubi 10 NRDS II ko taskani waddol jahargal yeeso ndemri Maaroori ngam hewtinki yidannde ngomnati ko feesinta nyaamannde,sembidinki kilantaaji riskuuji enanta Kuude yaaki ummaatoore.
Taskaramka taskni yajjinki kuude den ko hewtanta nyibaali 84,000 enanta Remoobe millionji 12 nder Lesdi ndi’I musamman ngam bamta daraja shaanu ndemri (GAP) enanta tabitinki ndemri Maaroori (SRP).
Kadima O wi toni haa taskaramji din to timminaama yidannde ngomnati hewtan dowko laarani feesinki nyaamannde enanta sembidinki kilanttaaji riskuuji nder Lesdi Naajeeriya.
SADIQ ALFA
