Ardiido Lesdi Naajeeriya  Muhammadu Buhari mani tiinaaje be jam’iya APC bee hebbitinki alkawal.

Ardiido on suuditi haalakan haa hodorde Lamdo Ohinoyi  Ebiraland mo Galluure Oken nder Jihawol Kogi wayla Cakantaari Lesdi Naajeeriya  wakka O yaano omtuki kuude nyibaali dum ngomnaajo Yahaya Bello mo Jihakan nyibi.

O wi “ardungal amin do wada ko haandi ngam hebbitinki alkawal min hoosani ummaatoore, hannde ndaamin haa Jihawol Kogi min do omta golle dum ngomnaajo jihakan huuwani ummaatoore maako haa jihakan.”

Buhari omti nyawndorde haa Galluure  Okene enanta  Lokoja, banamay meedaaka sam haa Jihakan hawtaade bee kuude godde fuu omtaama.

Haa ragare ngomnaajo Jihakan, Yahaya Bello usi yeti Ardiido Buhari be hokkukimo baawal baawo ‘e bosesel hebbitinki alkawal ummaatoore nder Ardungal maako.

Kadima nder manoore Ardiido Buhari, Yaya Bello wi Buhari dari darned dowko laarani kuude kampaniwa Ajaokuta Steel Complex,

Bello win der ardungal maako woodi narral bee ardiibe laamu ndonndonu sanne

SADIQ ALFA