Seketeriijo mo shaanu kawtal fijoobe CAF Mosengo-Omba wi Lesdi Morocco habdi sanne ndenbo senbinan terde Lesde Africa luttudehaa yeeso.
Youssef En-Nesyri kanyum on walli haa nasaraaku mabbe nde O nyaamanibe haa Arannde fuddam fijirde dooko be siwta haa daldal Al Thumama.
Ummaatoore Lesde Africa waylaari hebbini haa Nokkuure fijirde nden be holla seyo mabbe.
“Lesdi Morocco ittini Lesde Africa semteende ndenbo be holli hoore mabbe woodi ha be yotti nde be yotti fijirde dooko ragare anndira semi-final,” Mosengo-Omba wi.
Morocco tammi fijuki bee Lesdi France haa semifinal nyennde Alarda haa Daldal fijide nde Al Bayt Stadium.
