Hooreejo mo hakkilanta shaanu golle ngomnati Lesdi Naajeeriya Dr. Folasade Yemi-Esan, CFR tefri huuwoobe kuude ngomnati dow wada fodde bawde mabbe haro ko waddata joonde jam enanta jahargal yeeso Lesdi Naajeeriya.
Debboojo on suuditi haalakan wakkati O yaano omtol nokkuure siwtaare nde yiba kesum dum golloobe ngomnati dumbe inniri bee inde maako haa Yola, nder Jihawol Adamawa wayla walaadu Fuuna Lesdi Naajeeriya.
Nder jawaabu maakoO sappi bee wiiki dow huuwooo kuude ngomnati fu haa nana beldum ngeedam muudum.
Dr. Yemi – Esan tefri golloobe haa nokkuure nden joga kuude mabbe no haandi nden tabitina ko haandi do wade haa giifan.
Hooreejo nokkuure nden lisal Jihakan, Mr, Mohammed Aminu Sambo, wi no Dr. Yemi – Esan walliri haro kuude jahargal yeeso nokkuure nden on wadi be naftori inde maako.
Meanwhile, Dr. Folashade Yemi-Esan lamsi ka bee holluki seyo maako nden O wi O besdan tiinaare sanne ko waddata jahargal yeeso golloobe ngomnati.
Seketeriijo tabitiido mo shaanu dabareeji ‘e taskaraji (SPSO), Mr. Okokon Ekanem Udo, kanyum on luutani hooreejo on.
SADIQ ALFA
