Ardiido Lesdi Naajeeriya Muhammadu Buhari hunni hooreejo kiita mo Lesdi Naajeeriya keso Justice Olukayode Ariwoola.
Justice Ariwoola jabi sawru laamu nyennde Alarba haa juude ardiibe hedi shaanu kiita dooko fudduki giidal be Ardungal faada laamu Naajeeriya.
Lamarkan tawaama be gidde Gite ballo Ardiido Lesdi Naajeeriya,Yemi Osinbajo, seketeriijo ngomnati, Boss Mustapha, Ibrahim Gambari, hooreejo golloobe, Dr Folashade Yemi-Esan.
Luttube woni hiitoobe hiitordu mawndu,ngomnaajo Jihawol Oyo enanta Ondo, Sheyi Makinde bee Rotimi Akeredolu.
Be hokki Justice Ariwoola joguki hiddeeko iga (CJN) June 27 hikka bawti Justice Tanko Muhammad dali golle ngam nyawndiigu .
Tippungle bawti be hunnimo O tefri siyaasaabe acca shaanu kiita huuwa kuude mabbe no haandi sakko nda cubi 2023 huusiti.
Governor Seyi Makinde mo Jihawol Oyo, mani usi yeti Ardiido Buhari bee hokkuki gooto mabbe laata hooreejo shaanu kiita Lesdi Naajeeriya.
Kadima, Ardiido Lesdi Naajeeriya Muhammadu Buhari on ardi joonde giidal be Faada laamu ardungal Lesdi Naajeeriya haa Abuja.
Dooko giidal ngal fudde minsta’en ben enanta yaalirbe nokkuure nden fu dungi mallabo jeedi cip ngam soytuki ministaajo on baymaajo , Vincent Ogbulafor, laatiido no minstaajo wakkati Ardungal Olusegun Obasanjo.
SADIQ ALFA
