Ministaajo mo hakkilanta shaanu annde kiimiyaaku haa Lesdi Naajeeriya, Dr Adeleke Olorunnimbe Mamora wi hokkuki hukuumaaji gondi jotta buri tigguki kesi.
Dr Mamora suuditi haalakan wakkati O yaarano ngilla haa suudu Radio konngol Naajeeriya.
O wi bote haalaman ma wakkati min yaalira haa yeeso majaliisaabe wala mo wurti wambi baawo dow tigguki hukuumaaji kesi buri amma min hokki sembe dow be sembidina hukuumaaji buri tigguki kesi.
Ministaajo on besdika bee wiiki dooko O timmina golle maako O wadan fodde bawde maako ko sembidinta taskaramji ‘e ko wallata hukuumaaji din.
O “min besdan dartirde sanne no ko haandi huuwirte, min wanngini ko waddata kawtal koi,maatootiral,narral hakkunde amin ngam min wadda jahargal yeeso hukuumaaji dooko December.”
Kadima O wi O faami burna hukuumaaji din fu woodi kabbidal narral bee gebe e marbe sembe joodiibe joonde koe mabbe do reena ngomnati yerda mallabo wada juude.
Dr Mamora wi taskaramji enanta shaanu cubi hadataabe huuwuki kuude ngomnati no haandi.
Hedi fannuuji annde kiiniyaaku ministaajo on wi gollirde nden do wsada fodde bawde muudum mgam yiiki jahargal yeeso hebaama nden ma min hawti koi bee hukuuma hakkilanta shaanu janngirde.
Dr Mamora lamsika bee kalimaaji kewdi nafooji nden O tefri hukuumaaji besda tiinaare walla ngomnati faaki kuude mabbe ngam hewtinki yidannde mabbe ’e jahargal yeeso hebe haa nder Lesdi Naajeeriya.
SADIQ ALFA
