Ummaattore Lesdi Africa fombinaari wadi Cubi majaliisaabe nyennde jumbaare haa galluure Lesotho.
Lesotho do laamana Lesdi ndin ko neeba hewtani duubi waadu laamu nde 5 haa giifakan les ardungal kawtal koppi.
Lesotho dum nokkuure on mari kooseeje nden do heewi himbe ko hewtani miluionji 2 nokkuure nden do mari taakiyaar inde wi’ete “Kingdom in the Sky.”
Himbe ko hewtani 1.5 millionji tongiti inde mabbe iga bimbiire nden be timmini njamdi 5 kikkide.
Nder tongitiibe inde mabbe do gebe 47 on sakkini kuriyaaji mabbe nder hitaande 2017.
Dineo Moketsie, mardo duubi 32 jannginoowo wi “mi meeday waduki cubi nden mi tammay mi suban Kadima,” ngam wala ko be wadi ko nafata ummaatoore Lesdi ndin.
Majaliisaabe ben daloobe koromje mabbe do saldori waduki diidaangol ko sembidinta laamu dimocradiyya musamman ko hatta majaliisaabe wayluki jam’iyaaji nder duubi mabbe 3 ko be wadi.
Koromje majaliisaabe ko hewtani 120- subaama on iga nokkuuje feere feere ko hewtani — 80 subete on iga bakkeeje mabbe nden 40 sendete on..
Moobgal Lartoobe cubi be kawte Lesde Yaasi lartan wattam cubi din nder Asaweere garoojum.
SADIQ ALFA
