Kawtal mallum’en Lesdi Naajeeriya wi bedo wada fodde bawde mabbe ngam yiiki be besdani mallum’en njobdi Ceede Albashi mabbe.
Seketeriijo kawtal ngal, Dr Mike Ike-Ene, kanyum on suuditani kubaru’en haalakan haa Abuja wakkati be wadanno seyo lamar nyalowmaare mallum’en jee 2022 World Teachers’ Day.
Kadima Ike-Ene besdika bee wiiki Duubi di hesbe daloyta golle woni to hewti 60-65years enanta 35-40years.
Non O tefri ngomna’en Jihaaji be yobay mallu’en Ceede golle mabbe jee Lebbiiji goddi hawtanabe dooko be Dala golle.
Ike-Ene, wi “ngomna’en Jihaaji kewdum mallum’en janngirde Pamari enanta sekandari do takkabe nyamaande yobaaka.”
“Jihaaji goddi yobay mallum’en primary hewtani Lebbi 18.
Seketeriijo on mani tiinaaje ngomnati bee yobuki mallum’en njobdi Ceede Albaashi mabbe nder wakkati.
Ngomnati Jihawol Kwara anndini dow nyennde Alarba dum nyalow maare siwtaa mallum’en.
SADIQ ALFA
