Jamde cembidde de kubbbirle yiite Lamtarkiye andira Mega Transformers dum ngomnati Lesdi Naajeeriya soodi Les taskaramji aridiido Lesdi Naajeeriya nga, PPI timmini foondo nden hebi nasaraaku nden do tuume jamde den fuddan warki Naajeeriya nder Lewru September hikka.
Hooreejo kanpaniwa kubbirle nga nga ngomnati Lesdi Naajeeriya (FGN-Power) Mr. Kenny Anuwe kanyum on ardini engineer’en kastaabe enanta be TCN be yaadi Lesdi Itali ngan tabitinki foondo ngon.
Kampaniwa Siemens Energy nkannga on waddata jamde transformaaji din haa Naajeeriya.
Tippungle doono on ministaajo mo hakkilanta shaanu kubbirle yiite L amtarkiye, Abubakar Aliyu ardini wakiili’en ben fu be yehino Lesdi Germany nder Lewru April be kampaniwa ngan Siemens Energy haa Berlin enanta Frankfurt be wadidi giidal bee ardiibe mabbe ngam yawnuki wadduki Jamde den.
Nder hitaande yawtunde, ministaajo mo hakkilanta shaanu Ceede enanta kubbirle, Zainab Ahmed bee, Mr Aliyu wurtini no ceede ko hewtani €63 millionji (Euro) ceede Lesdi Engila.
Taskaramka wadaama on ngam sembidinki kibbirle yiite Lamtarki nder Lesdi Naajeeriya.
Taskaramka fuddaama on iga 2018 PPI bee kanpaniwa ngan.
SADIQ ALFA
