Ardiido Lesdi Naajeeriya Muhammadu Buhari yerdi bee hokkuki Nasiru Ila mukaamu laataaki mo wallatamo dow ko laarani shaanu golle majaliisaaru Lesdi Naajeeriya.
Nasiru, janngudo haa Victory College, Alexandria and West London College, United Kingdom, laatiido bo luumoowo kastaado, nden O nasti siyaasa.
Nder hitaande 2011 yaaki 2015, O laatino wakiiliijo mo luutanta lardiwol Tarauni haa nder Jihawol Kano.
Ndottiijo on Nasiru jabani Umar El-Yakub mo tippungle do Ardiido Buhari hokki mukaamu Laataaki Ministaajo haa faada laamu maako.
SADIQ ALFA
