ASSU: Faada laamu Lesdi Naajeeriya Lati haala sarti ko hokkino ngam lortaaki janngirde.

Ardungal Laamu Lesdi Naajeeriya lati kalimaaji kubaru’en sankiti bee wiiki Ardiido Lesdi Naajeeriya  Muhammadu Buhari  hokki sarti Asaweeje 2 dow be wadda ragare tikkere golle be kawte janngirde.

Mo hakkilanta shaanu kubaruuji Ardiido on, Garba Shehu, wi Ardiido Muhammadu Buhari wolway haalakan.

O wi : “bawti giidal mabbe nyennde Salaasa ni Ardiido Buhari wi ministaajo mo hakkilanta shaanu janngirde wada fodde bawde muudum ngan yiiki fukaraabe hooti janngirde.

“haagiidal ngal  ministaajo mo hakkilanta shaanu janngirde tefri ministaajo mo hakkilanta shaanu golle ‘e golloobe itta juude maako haa wolde nden dum wadete bee ASSU O wadan ko haandi ngam be lorta kuude mabbe bee jawdum.”

Haaragare ni O lamsika bee wiiki tippungel do Fukaraabe hootan janngirde.

SADIQ ALFA