Taskaram hakkilanta shaanu njamu ka Lesde Duuniyaaru (WHO) wi woodi nyawuuji kalludi di Dabbaaji do sankita nasta ummaatoore Lesde Africa bee gebe 63%nder 100 iga Duubi 10 kosaali.
Taskaramka suuditi haalakan nyennde Alamiisa bee wiiki nder nyawji din ni woodi nyaw Meese ,Ebola enanta ngabu ndang.
WHO wadi hiiso mabbe hepti dow ko hewtani 1,843 joonde mabbe haa Lesde Africa nder hitaande 2001 yaaki 2022. On hokkibe heptuki niiman do.
Directaajo mo hakkilanta taskaramka haa Lesde Africa Matshidiso Moeti wi woodi mas’alaaji goddi on wadi nyawuuji din besdi haa Lesde Africa.
Kadima Debboojo on wi laabi ko hawti lesde ‘Lesde nder Lesde Africa fu besdi waddol gannudi din.
Moeti tefri be shaanu nbiditi hedi fannuuji feere feere wada fodde bawde mabbe ngam hurga gannudi nyawuuji din.
SADIQ ALFA
