Ardiido Lesdi Naajeeriya Muhammadu Buhari sawri sukaabe jagganteebe Lesdi wonbe haa Galluure Daura be yidindira ko’e mabbe be itta feerootiral Le’I, Diina, mallabo Aadi ndonndonu hakkunde mabbe.
Nyennde Asawe on Buhari, jabbi sukaabe ben nde be yaarani mo ngilla hofnuki mo julde haa galluure Daura danyorde ardiido.
Buhari wi “miyetti on sanne bee warki musamman nganm on laara am, mi neebi mi waray iga rawani mido suklani kuude Lesdi naajeeriya,
“ndeyefu mido usa Ardiido Lesdi ndin boymaajo, Gen. Yakubu Gowon, bee omtuki taskaram NYSC ko walli hedi yiilaaru ummaatoore Naajeeriya koo haatoy nder Lesdi ndi’i.
Nder jawaabu hooreejo sukaabe ben (CLO), Douglas Damina, usi yeti Ardiido on bee jawaabu maako ko’o wadani sukaabe ben NYSC.
Damina yecci Ardiido Buhari dow sukaabe ben walli galluure Daura bee kuude jahargal yeeso sanne ko wallata ummaatoore Jihakan no foti.
Ardiido Buhari hakki sukaabe ben Ga’I 2 bee Baali jawdi 10 hawtaade bee Ceede ko hewtanta N1,000,000 (One million naira) ngam be wadira seyo lamar julde bee man.
SADIQ ALFA
