Ardiido Lesdi Naajeeriya, Muhammadu Buhari enanta Ardiibe wobbe be Lesde Africa hawti yerdi waduki rufayonta ko hewtani $93b ngam sembidinki kilantaaji riskuuji Lesde den.
Gebe 70 nder 100 nder kawte Lesde yaasi majjinte haa Lesde Africa nden Lesdi Naajeeriya on tammi hebuki burna nder man.
Ardiido Lesdi Senegal Macky Sall, on ardini joonde nden haa Jacky Darka laamorde Lesdi Senegalese.
Haa nokkuure giidal ngal Ardiido Buhari anndini yidannde maako bee wiiki Lesde Duuniyaaru fu do wonndi’e sadirmaaji kilantaaji riskuuji ko tampini lesde den ndenbo Naajeeriya yidi fintinki kilantaaji riskuuji lesdi ndin enanta feesinol golle hawtaade bee haytinki sadeende nyaamannde.
Buhari tefri kawta den wada fodde bawde mabbe ngam yiiki niiman hebaama hakkunde mabbe.
Kadima besdi manuki Bankiiru mawndu ndu Lesde Duuniyaaru enanta IDA bee wannginki taskamji ‘e walliinde dun be hokki kawte Lesde Afrikca.
Haaragare ni Ardiido Muhammadu Buhari Meti dudka kobe wadani Lesde Africa. Jee walliinde nden O usi O yeti.
SADIQ ALFA
