Kadima ngomnati Naajeeriya bee Lesdi Portugal wadi kabbidal narral haa galluure  Lisbon dow ko laarani sembidimki gollirde godde  hakkunde Lesde den 2.

Waduki kabbidal narral ngal wadaama on ngam daliila ngilla Ardiido Buhari yaari haa Lesde kawte O roba’en.

Ardiido Lesdi Naajeeriya Muhammadu Buhari enanta tana maako Prime ministaajo mo Lesdi Portugal, Antonio Costa kambe hawti wadi kabbidal ngal.

Kabbidal ngal wadaama on dow fannuuji ko laarani Diplomasiiyaku,elto feere feere hedi mbiditi,bayaanuuji kubaruuji ‘aa’di ndonndonu ‘e ko nanndi luttude kuude jahargal yeeso.

Dow ko laarani luumooku bo dudka metaaka haa yotti sarrifol no wadirta rufayontaaku ko waddata jahargal yeeso kilantaaji riskuuji hakkunde Lesde den 2.

Haa ragare Ardiido Buhari tindini kabbidal ngal dum hunnde on jee jahargal yeeso luumooku ‘e besdaari narral hakkunde Lesdi Naajeeriya be Kawte Lesde Oroba.

SADIQ ALFA