Faadalaamu ardungal Lesdi Naajeeriya yerdi bee hokkuki hukuuma hakkilanta shaanu kubbirle yiite Lamtarki Ceede ko hewtanta N11.67billionji nairaaje ceede Lesdi Naajeeriya ngam wallita kampaniiji hakkilanta yiite ngen dow ko laarani are kuutinirteedum kubbirle Yiite ngen nder Naajeeriya.
Yrerduye hokkol ceede den wadaama on wakkati giidal be faada laamu ardungal Lesdi Naajeeriya nyennde Alarbe dum ballo Ardiido Lesdi Naajeeriya Yemi Osinbajo ardani.
Ministaajo mo kubbirle ngen, Abubakar Aliyu, kanyum on suuditani kubaru’ en bawti giidal mabbe bee ceede Arannde kohokka dooni dum ceede on ngam ko laarani feesinol kubbirle yiite ko hewtani 1/60MVA 132 33KV ko hawti bee 4/132 KV ko taskani haa galluure Hong, Hong LGA nder Jihawol Adamawa wayla walaadu fuuna Lesdi Naajeeriya.
Ko nden on be hokki Ceede ko hewtani N6.53billion.
“hebuki meegawatji din nafan nukkuuje kewdum sanne haa giifakan bee feesinki be kubbirle yiite Lamtarkiye no bernde yidi.
“nokkuuje den hawti bee Gombi; Garkida,Hong, Mubi, Wukpa, Michika, Madagali.”
Aliyu wi ceede ko hokka didabre doo bo hokkaama on ngam feesina kubbirle yiite Lamtarki haa juude kampaniwa TCN, ngam be senda yiite ngan haa bakkeeje ko hewtani 6.
“woodi haa Aiyede nde jihawol Oyo bee Ceede $1.8 million,N98 million.
“Kadima woodi haa Gusau nder Jihawol Zamfara .
“woodi haa Kankia, dum be hokki kampaniwa Messrs Farmamade Energy Limited.
“woodi haa galluure Minna, nder Jihawol Niger dum be hokki kampaniwa Messrs Crossworld Global Technology Limited.
Kadima woodi nokkuuje feere feere bana haa Ogun,Damaturu, Yobe, Maiduguri.
Min taskani feesinki kubbirle yyiite Lamtarkiye nder Lesdi Naajeeriya bananta bernde yidi ko wallititta kilantaaji riskuuji Lesdi ndin.
SADIQ ALFA
