Nyennde Alarba Faada laamu ardungal Lesdi Naajeeriya hokki Ceede ko hewtanta N48.4 billionji Nayraaje Ceede Lesdi Naajeeriya Musamman ngam wo’itinki baruye nder Jihawol Taraba enanta Yobe haa wayla walaadu fuuna Lesdi Naajeeriya.
Ministaajo Shaanu maatootiral’e aadi, Lai Mohammed, on wolwi ka bawti giidal mabbe bee Ardiido Muhammadu Buhari.
Ngam anndinki no kawaari, Mohammed wi N29.8 billionji hokkaama no ngam kuude buwaangal mallabo laawol iwngol galluure Yola-Hong yaaki Mubi nden N18. Billionji hokkaama ngam kuude laawol Jihawol Yobe State dum be huuwino buwaangal ngomnati kawtal Lesdi.
O wi: “ministaajo mo hakkilanta shaanu golle nyibaali’e baruye, Babatunde Fashola hokki dereeji kuude 2 gootel ko laarani kuude den jee laawol Yola-Hong-Mubi haa Jihawol Adamawa N29, 826, 708, 000, nden be besdanibe Lebbi 24 ngam be timmina kuude den.”
“Kadima 2 bo hokkaama Ceede den ko hewtani N18,663,843, 109 Bilionji Nairaaje Ceede Lesdi Naajeeriya dum be yobi ngomnati Jihakan ko majjini ngam huuwuki kuude baruye haa Jihawol Yobe.,” Mohammed wi
SADIQ ALFA
