Hukuuma hakkilanta shaanu pijirle nga Lesdi Naajeeriya (NOC), hawtiibe koppi bee be commitiwa kawte Lesde yaasi (IOC) wadan moobtorde iga Lewru June 20th yaaki 21st, 2022 haa DalDal pijirle nga Moshood Abiola National Stadium haa Abuja.
Nder jawaabu hooreejo hukuumawa ngan, Olumide Oyedeji, wiido haandi be pijirle den taskito sanne ngam fijirde tammi wadeeki jee Duuniyaaru fu nder Lewru July haa Birmingham to jam.
O wi “min do moobta ummaatoore haa Abuja ngam min meta dudka ko laarani taskitanki pijirle tammi wadeeki yeeso ‘e luttudum shaanuuji hukuumawa ngan jee nyalde 2 haa Abuja.,”
Kadima hooreejo mawdoojo mo NOC, Habu Ahmed Gumel jabbiido ummaatoore yaalirbe ton bana ministaajo moshaanu pijirle Lesdi Naajeeriya Sunday Dare, hawtaade bee hokkoobe umroore pijirle; Toyin Aluko, Odion Aikhoje, Pham. Oyerinde, Dr. Simon Ebhojaiye, Dr Robinson Okosun, Dr Dayo ‘e Malam Abdulrahman.
Haa ragare be mabban moobtorde nden bee waduki cubi Ardiibe mabbe be tammi waduki waadu laamu jee duubi 4 hawtaade bee hokkol haatimmeeje maanoore yaalirbe nokkuure nden fuu NOC.
SADIQ ALFA
