Hooeejo hukuuma hakkilanta shaanu piirooje nder Lesdi Naajeeriya, Captain MUSA Nuhu, hokki derewol dungayeere piirooje Asama yaaki ardiibe hesbe be hakkilanta piirawal Nigeria Air Limited nyennde Altine haa Abuja laamorde Lesdi Naajeeriya.
Capt. Nuhu wi fakat woodi nafuuda sanne marki piirawal bana ngal do ngam dum hunnde on ko sembidinta kilantaaji riskuuji Lesdi Naajeeriya.
O wi “min do taski sanne min huuda ‘e piirawal ngal mgam sembidinki kilantaaji riskuuji ‘e fooduki hakkiilo rufayonta’en ngam Naajeeriya botira bee mabbe”.
“Kadima mi yidi mi tabitina naajeeriyaabe dow tippungel do piirawal ngal fuddan huuwuki ngam min yawnan taskaramji din sanne.”
Non ardiido mo hkkilanta piirawal ngal Nigeria Air Limited, Capt Dapo Olumide wi fakat ko seko wala yummitinki piirawal ngal dum hunnde on ko waddata jahargal yeeso sanne nder Lesdi Naajeeriya enanta Lesde Africa fu .
SADIQ ALFA
