Ngamnati Lesdi Naajeeriya taskani timmitinki buwaangal iga Abidjan warki Lagos ngam senbidinki luumooku hakkunde haa bakkeeje Lesde Africa musamman shaanu harkaaji ndiyam haa Lesde bana(Burkina Faso, Mali, Niger enanta Chad).
Ministaajo mo hakkilanta shaanu golle ‘e nyibaali haa Lesdi Naajeeriya Mr Babatunde Fashola, kanyum on suuditi ka wakkati giidal mabbe haa Abuja dow ko laarani kuude den.
Mr Fashola, mani tiinaaje kawte Lesde ECOWAS naatiibe nder haala kuude den,
Kadima O wi ngomnati moobi are kuude ngam timmitinki kuude barawol Lagos-Badagri hawtaade bee wiiki dum timmini laawol iga Lesdi Cameroon warki Lesdi Naajeeriya.
Ministaajo on besdi bee wiiki kuude den dum kuude nafooje Lesde Africa on sanne ngam rufayonta mallabo luumo jarfuuji wadete hakkunde Lesde’e Lesde.
“kuude den nafan ummaatoore ko hewtanta milionji 40 tokkoobe laabi di ngam kilantaaji riskuuji hakkunde lesde’e Lesde”.
Kadima ministaajo mo shaanu kuude baruye Lesdi Ghana Mr Kwasi Amoako-Attah ngam COVID 19 tanpini Duuniyaaru fu kanjum hadi kuude den timmuki haa jotta.
Kanyumma mani tiinaaje ECOWAS bee hakkilanoobe kuude nafooje ‘e do’aaji kuude den timma nder jam ‘e jahargal yeeso.
Comisinaajo ECOWAS mo shaanu nyibaali, Mr Pathe Gueye wi laawol ngol mar ngol daayeenga kilomiitaaji ko hewtani 1,081-Abidjan-Lagos to timmi woodi nafu sanne ngam senbidinan kilantaaji riskuuji hakkubnde Lesde Africa musamman bana – Côte d’Ivoire, Ghana, Togo, Benin enanta Naajeeriya.
SADIQ ALFA
