Ardiido Lesdi Naajeeriya Muhammadu Buhari tefri Naajeeriyaabe wonbe Lesde yaasi tokka dararanki Lesdi mabbe haa be ngoni fu.
O suuditi haalakan haa galluure Madrid Lesdi Spain wakkati O yiida Bee Naajeeriyaabe wonbe haa ton.
Won be ton yiidube bee Buhari woodi John Bosco, hooreejo kawtal kawtal Naajeeriyaabe enanta ballo maako Richard Omoregbe, mo fijinta Super Eagles enanta FC, Madrid, bee Kenneth Omeruo, Obinna Okafor, Mohammed Bashir, Segun Adedoyin, hawtaade bee Bright Omorodion,
Ardiido Buhari, yaadudo bee hoorejo mo hakkilanta shaanu wonbe Lesde yaasi Abike Dabiri-Erewa, tindini ko wadi be tiggi hukuumawa ngan (NiDCOM). Kadima Buhari meti dudka dow ko laarani fitnaaji ‘e gannudi Lesdi Naajeeriya wontiri bee wiiki be daanaaki bedo wada fodde bawde ngan yiigo be hurgi gannudi din.
Dow ko laarani haala cubi Ardiido Buhari wi bedo taskana waduki cubi 2023 to jam.
Woniibe haaton hawti bee ministaajo yaasi Lesdiiku, Geoffrey Onyeama, ministaajo shaanu Sukaabe’e pijirle, Sunday Dare, ministaajo maatootiral ‘e aadi ndonndonu, Lai Mohammed, Ciimaajo Lesdi Naajeeriya haa Spain, Ademola Seriki, enanta, Daniel Amokachie.
Kenneth Omeruo hokkiido Buhari tamre Boll enanta toggowol fijirde nden
SADIQ ALFA.
