Ardiibe kawte Lesde Africa Hirnaangeeje wi ittanan Lesdi Mali hombere nder Lewru Jenuary bawti ardiibe sooja’en Lesdi ndin wi see baawo duubi 4 laa hokkititte.
ECOWAS suuditi haalakan haa Accra laamorde Lesdi Ghana, ko nden on be meti dudka hawtaade bee Lesde de be jabti laamu bana Burkina Faso enanta Guinea.
ECOWAS ittani Lesdi Mali hombere ko be wadani be fu.
Hiitordu ndu kilantaaji riskuuji Lesde Africa on ittani Lesdi Mali hombere ngam yiiki no neddaaku ummaatoore Lesdi Mali nyaamirte.
Ardiido ECOWAS Jean-Claude Kassi Brou wi see marbe bawde tan ittanta Lesdi Mali hombere.
O wi Ardiibe ECOWAS wi yi laamu dimocradiyya fuddite haa Lesdi ndin hakkunde lebbi 18 yaago 24 ha Mali.
Lesdi Mali, Guinea enanta Burkina Faso Lesde on marde Sembe ha nder 15 kawte Lesde Africa
Amma ECOWAS jabi dereeji laatuki mabbe wakiili’en haa ECOWAS ngam sooja’en jabti laamu haa Lesde den.
SADIQ ALFA
