Ardiido Lesdi Naajeeriya Muhammadu Buhari omti nyirgal laabi ko daayeenga man hewtani miitaaji 800 haa jihawol Kaduna nokkuure nde Ardiido on hisi halkere kippe bomji hitaande 2014.
Wakkatiire nden dudbe sooyi yonki mabbe bee non on wadi Buhari wi O yeti ALLAH hisni do mo halkere.
Kadi ma Ardiido on omti nokkuuje nder Jihakan bana,Daldal Murtala Mohammed Square, lese ko hewtani 136 ha nyawndorde Infectious Disease Hospital, janngirde pamara nga LEA Lokoja Road Primary School, Rigasa, buwaangal Aliyu Makama road enanta nyirgal Leventis, do fu wadaama on haa Jihawol Kaduna les Ardungal ngomnaajo Jihakan Nasir El-Rufai.
Ngillakan numtini Ardiido Muhammadu Buhari kuje duddi hauti bee wakkati o wurta iga tiggorde bee joonde maako haa Jihakan bawti O eggi iga galluure Daura nder Jihawol Kastina.
O wi”mi dabba majjuki laawol ngam yiiki no ngomnaajo Nasiru El- Rufa’I tiidi huuwi kuude jahargal yeeso ha Jihakan.
Kadima Ardiio on omti nokkuure ngooba maabo taaki zamanu dum be rufayonta ‘en wadi nder Jihakan.
Janngirde nden nde LEA Lokoja Primary School, ngomnaajo on inndi nde ‘‘Buhari mega-primary school.”
Sadiq Alfa
